काठमाडौँ । आज सत्ता गठबन्धनको बैठक बस्दै छ । प्रधानमन्त्री शेरबहादुर देउवाको सरकारी निवास बालुवाटारमा आज अपरान्ह ३ बजे गठबन्धनको बैठक बस्न लागेको हो ।
आसन्न मंसिर ४ मा हुन गइरहेको प्रतिनिधिसभा तथा प्रदेशसभा निर्वाचनका लागि सिट बाँडफाँँट गर्न गठित कृष्णप्रसाद सिटौला नेतृत्वको कार्यदलले आफ्नो कार्यभार पूरा गर्न नसकेपछि नेतृत्वलाई नै जिम्मेवारी सुम्पिएको छ । सो विषयमा छलफल गर्नको लागि गठबन्धनका शीर्ष नेताहरूको बैठक बस्न लागेको बुझिएको छ ।
निर्वाचनमा गठबन्धन दलबीच सिट बाँडफाँट गरेर चुनावमा भाग लिने तयारी भएपनि कुन दललाई कति सिट दिने भन्ने विषयमा भने दलहरूबीच सहमति जुट्न सकेको छैन ।
