काठमाडौं । कलाकार सुरक्षा पन्तको मार्मिक अभिनय रहेको 'ए नि बरै' बोलको गितको म्युजिक भिडियो सार्वजनिक भएको छ । चर्चित गायिका देवी घर्ती मगरको आवाजमा रहेको सो गीतमा कलाकार सुरक्षा पन्तको अभिनय निकै मार्मिक रहेको छ ।
महिलामाथी हुने हिंसाको विरुद्दमा सधै लुकेर, भागेर मात्र हैन् त्यसविरुद्द डटेर जवाफ पनि दिन सक्नुपर्छ भन्ने सन्देश बोकेको सो गीतको मुख्य पात्रको रुपमा कलाकार सुरक्षा पन्त रहेकी छिन् । साथै म्युजिक भिडियोको कथामा परिस्थितीको परिबन्धमा परेपछि बनेको अपराधी (हत्यारा) को अवस्था पनि देखाइृएको छ ।
युट्युबमा 'ए नि बरै' ले दुई दिनमै पाँच लाखभन्दा बढी भ्युज बनाईसकेको छ । गीतमा नेत्र अर्यालको शब्द रहेको छ भने रिशी खड्काले संगित भरेका छन् ।
मास्टर र मिक्सिङको काम कुमार रानाले गरेका छन् । गीतलाई मारुनी डिजिटलबाट रेकर्ड गपरएको हो । म्युजिक भिडियोको कथा निदेर्शन बिक्रम चौहानको रहेको छ ।
