काठमाडौँ । नेपाली कांग्रेसका दिवङ्गत नेता प्रदीप गिरीको अन्त्येष्टि गरिएको छ ।
पशुपति आर्यघाटमा उहाँको अन्त्येष्टि गरिएको हो । उहाँलाई छोरा सन्तोष गिरी शिलवालले दागबत्ति दिनु भएको छ ।
त्यस अघि प्रधानमन्त्री एवं पार्टी सभापति शेरबहादुर देउवा, पार्टीका पदाधिकारी तथा सदस्य, अन्य दलका शीर्ष नेताहरुले श्रद्धाञ्जली दिनुभएको छ । गिरीको सम्मानमा हुने नेपाल प्रहरीको एक टुकुडीले सलामी अर्पण गरेको थियो ।
त्यस अघि पार्टी कार्यालय सानेपाबाट साढे दुई बजे शवयात्रा सानेपा, सातदोवाटो, कोटेश्वर, एयरपोर्ट हुँदै गौशला भएर पशुपति आर्यघाट लगिएको थियो ।
प्रतिनिधिसभा सदस्य गिरीको पार्थिव शरीरलाई श्रद्धाञ्जली अर्पण गर्न आज बिहान ११ः३० देखि २ बजेसम्म पार्टीको केन्द्रीय कार्यालय सानेपा प्राङ्गणमा राखिएको थियो । उहाँको उपचारको क्रममा ललितपुरस्थित मेडिसिटी अस्पतालमा ७५ वर्षको उमेरमा भदौ ४ गते राति ९ः३० बजे निधन भएको हो ।
