काठमाडौं । नेकपा एमालेका अध्यक्ष एवं पूर्वप्रधानमन्त्री केपी शर्मा ओली चढेको हेलिकोप्टर सिमरा विमानस्थलमा आकस्मिक अवतरण गरिएको छ ।
सोमबार दिउँसो रौतहटको गौरमा आयोजित कार्यक्रममा सहभागी हुन काठमाडौंबाट आउँदै गर्दा मौसम खराब भएपछी ओली सवार सिम्रीक एयरको हेलिकप्टर सिमरा विमानस्थलमा आकस्मिक अवतरण गरिएको हो ।
अत्यधिक वर्षाका कारण गौर पुग्न सक्ने अवस्था नभएपछी हेलिकप्टरलाई सिमरा विमानस्थलमा सुरक्षित अवतरण गरिएको हो । हेलिकप्टरमा अध्यक्ष ओलीसहित उनका सहयोगी सवार छन् ।
आकस्मिक अवतरणपछि अध्यक्ष ओलि सिमरा विमानस्थलको विशिष्ट कक्षमा आराम गरेका छन् । अनुकुल मौसमको प्रतिक्षामा रहेका ओली हेलिकप्टर उड्न नसके सडकमार्ग भएर गौर पुग्ने विषयमा छलफल भइरहेको बताइएको छ ।
