काठमाडौं । भारतविरुद्धको पहिलो मैत्रीपूर्ण खेल घरेलु मैदान त्रिपुरेश्वरस्थित दशरथ रङ्गशालामा हुँदैछ । खेलको लागि नेपालको सुरुवाती-११ घोषणा पनि भईसकेको छ । किरण चेम्जोङको कप्तानीमा सुरुवाती-११ खेलाडी घोषणा भएको छ । नेपालका लागि मुख्य प्रशिक्षक अब्दुल्लाह अलमुताइरीले किरण चेम्जोङको कप्तानीमा खेलाडी छनोट गरेका हुन् ।
साफ च्याम्पियनसिप माल्दिभ्समा आयोजना हुँदै छ । त्यसैको तयारीको लागि नेपालले भारतसंग दुई खेल खेल्न लागेको हो ।
गोलकिपरमा किरण चेम्जोङ रहेका छन् भने डिफेन्डरमा ४ जना (दिनेश राजवंशी, अनन्त तामाङ, गौतम श्रेष्ठ, सुमन अर्याल) रहनेछन् । त्यस्तै मिडफिल्डरबाट पुजन उपरकोटी, तेज तामाङ र सुमन लामा खेल्दै छन् ।
फरवार्डमा भने नवयुग श्रेष्ठ , आयुष घलान र अन्जन विष्ट रहनेछन् । खेल साँझ ५ः३० बजे घरेलु मैदान त्रिपुरेश्वरस्थित दशरथ रङ्गशालामा हुँदैछ । दोस्रो खेल आइतबार हुनेछ।
