काठमाडौँ । राष्ट्रिय प्रजातन्त्र पार्टी नेपाल (राप्रपा नेपाल) ले शुक्रबार काठमाडौँमा विभिन्न माग राख्दै विरोध प्रदर्शन गरेको छ ।
दिउँसो पानी परिरहेको समयलाई समेत बेवास्ता गर्दै पार्टी अध्यक्ष कमल थापासमेत विरोध प्रदर्शनमा सहभागी भएका थिए ।
दर्किरहेको पानीमा पनि राप्रपा नेपालका कार्यकर्ताहरुले नाराबाजी गरेका थिए । उनीहरुले धर्म निरपेक्षता खारेज गर, प्रदेश संरचना खारेज गर, भ्रष्टाचारीलाई कारबाही गर, महङ्गी कालोबजारी नियन्त्रण गर, रोजगारीको ग्यारेन्टी गर, विदेशी हस्तक्षेप बन्द गर, सनातन हिन्दू राष्ट्र कायम गरजस्ता नारा लगाएका थिए ।
