हेटौँडा । सञ्चार तथा सूचना प्रविधिमन्त्री ज्ञानेन्द्रबहादुर कार्कीले नेपाल श्रीलंकाको बाटोमा नजाने बताउनुभएको छ ।
नेपाल प्रेस युनियनको नवौँ राष्ट्रिय महाधिवेशनको उद्घाटन कार्यक्रममा हेटौँडामा उहाँले नेपाल श्रीलंकाको बाटोमा जाँदैछ भनेर अफवाह फैलाइएको बताउनुभयो । मिडियाले त्यस्ता अफवाहलाई चिर्नुपर्ने उहाँको भनाइ थियो ।
नेपालको अर्थतन्त्रमा केही समस्या भए पनि नेपाल छिट्टै सबल अर्थतन्त्र भएको मुलुकमा फर्किने भन्दै उहाँले अहिले नै नेपाल श्रीलंकाको पथमा नजाने उल्लेख गर्नुभयो ।
