काठमाडौं । मोबाइल फोनको उपयोग मानिसहरुको लागि जति लाभदायक छ त्यति नै हानिकारक पनि छ। अहिलेको समयमा धेरैजसो मानिसहरु स्मार्टफोनको प्रयोग गरेकै हुन्छन्। यसले तपाइँको धेरै कार्यहरुलाई सजिलो बनाउँछ, तर के तपाइँलाई थाहा छ स्वास्थ्यमा यसले कति हानि पुर्याउँछ ?
वास्तवमा, लामो समयसम्म मोबाइलको प्रयोगले आँखा र मस्तिष्कमा नकारात्मक प्रभाव पार्छ। धेरै मानिसहरुको मोबाइल चार्ज गर्ने बेलामा प्रयोग गरिरहने बानी नै हुन्छ, कतिले राती सुत्न अघि मोबाइललाई चार्जमा राख्ने गर्छन्, ताकि बिहान उठेपछि मोबाइल पूर्ण चार्ज भएको होस् र आफ्नो दैनिकी कुनै समस्या उत्पन्न नभई सम्पन्न गर्न पाइयोस् । त्यसैगरी दिनभरि पनि आरामले फोन चलाउन सकियोस् ।
तर के यसरी चार्जमा राख्न सही हुन्छ ? यदि मोबाइल राताभरि चार्जमा छोडेउ भने के हुन्छ ?
विज्ञहरुका अनुसार पहिले मोबाइल फोनमा चार्जिङको सन्दर्भमा केही समस्याहरु थिए, तर अहिले स्मार्टफोनको जमाना छ। जसरी तपाइँ पूरै खाना खाए पछि खानुहुन्न, त्यसै गरी स्मार्टफोनको ब्याट्रीले पनि १०० प्रतिशत चार्ज भएपछि थप चार्ज लिन बन्द गर्दछ।
विशेषज्ञहरुका अनुसार, आजका स्मार्टफोनहरु एक चार्जिंग सर्किटसंग सुसज्जित छन्, ब्याट्री १०० प्रतिशत चार्ज भएपछि स्वतः आपूर्ति बन्द हुन्छ। ब्याट्रीको चार्जिङ ९० प्रतिशत हुने वित्तिकै फेरि चार्ज हुन सुरु हुन्छ।
धेरै मानिसहरु मोबाइल फोन चार्जिंगको समयमा तातो हुँदा डराउँछन् । उनीहरुलाई ब्याट्रीमा समस्या भएको अनुभव हुन्छ । विशेषज्ञहरु भन्छन् यसरी तातो हुनपनि सक्छ नहुन पनि सक्छ । तर धेरै पटक मोबाइल भाइरसको कारणले पनि फोनको साइड भागबाट तातो हुनेगर्छ। जे होस् विज्ञहरु भन्छन् रातभर मोबाइललाई चार्ज नगर्दा नै राम्रो हो । (एजेन्सीको सहयोगमा)
