काठमाडौंः प्रधान सेनापति महारथी प्रभुराम शर्मासँग नेपालका लागि फ्रान्सेली राजदूत गिलेस बोरबाउले जंगी अड्डामा भेटघाट भएको छ । उक्त भेटघाटमा फ्रान्सेली सेनाका ब्रिगेडियर जनरल जियोफ्री लारोउजियर लगायतका अन्य पदाधिकारीहरुको समेत उपस्थिति रहेको नेपाली सेनाले जनाएको छ ।
प्रधान सेनापति शर्माको कार्यकक्षमा भएको उक्त भेटघाटमा दुई पक्षीय हित तथा पारस्परिक सम्बन्धका विषयमा छलफल भएको थियो । यस किसिमको भेटघाटले दुई देशका सेनाबीच रहँदै आएको आपसी सम्बन्धलाई सुमधुर एवं प्रगाढ बनाउन थप मद्दत पुग्ने विश्वास नेपाली सेनाले लिएको छ ।
