काठमाडौं । चौंथो संस्करणको एभरेष्ट प्रिमियर लिग (ईपिएल) क्रिकेट अन्तर्ग विराटनगर वारियर्सले काठमाडौं किङ्स–११ लाई ७ रनले पराजित गरेको छ ।
कीर्तिपुरस्थित त्रिवि क्रिकेट मैदानमा भएको खेलमा टस हारेर ब्याटिङको निम्तो पाएको विराटनगरले निर्धारित ८ ओभरमा ५ विकेट गुमाएर १ सय ४ रनको योगफल बनाएको थियो ।
जवाफी ब्याटिङमा उत्रिएको काठमाडौंले ८ ओभरमा ३ विकेट गुमाउँदै ९७ रन बनायो ।
काठमाडौंका लागि ओपनर रमनुल्लाह गुर्वाजले १५ बलमा ३ चौका र १ छक्कासहित २८ रन बनाए ।
अर्का ओपनर राजु रिजाल १५ बलमा २४ रन बनाएर अविजित रहे । यस्तै रयान वर्ल ७ बलमा २३ रन र सुवास खकुरेलले १० बलमा २६ रन जोडे ।
विराटनगरको बलिङमा रयान पठानले सर्वाधिक २ विकेट लिए भने प्रतिस जीसीले १ विकेट लिए ।
जित निकालेपनि विराटनगर प्रतियोगिताबाट बहिरिएको छ ।
काठमाडौं ३ खेलमा १ जितसहित लिग तालिकाको पाँचौ स्थानमा छ । काठमाडौंलाई प्ले अफ पुग्न बाँकी २ खेल जित्नु पर्ने दबाद छ ।
आजै हुने दोस्रो खेलमा ललितपुर प्याट्रियट्स र चितवन टाइगर्सले प्रतिस्पर्धा गर्दैछन् ।
यो पनिः ईपिएलः विराटनगरले काठमाडौंलाई दियो १ सय ५ रनको लक्ष्य
