काठमाडौं । नेपाल आदिवासी जनजाति महासंघका पूर्वअध्यक्ष राजकुमार लेखी नेकपा (एमाले)मा फर्किएका छन् ।
ललितपुरको गोदावरी स्थित सनराइज सम्मेलन केन्द्रमा जारी पार्टीको विधान महाधिवेशनको अन्तिम दिन एमाले अध्यक्ष केपी शर्मा ओलीले लेखीसहित ५५ जनालाई पार्टी प्रवेश गराएका हुन् ।
लेखीले पहिलो संविधानसभा विघटनपछि एमाले त्याग गरी मधेसवादी विभिन्न दलहरूमा आबद्ध भएका थिए ।
यसैगरी कार्यक्रममा नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टीका पोलिटब्युरो सदस्य अमर धमला, नेपाली कांग्रेस, नेकपा (माओवादी केन्द्र)का कार्यकर्ताहरू पनि एमाले प्रवेश गरेका छन् ।
