लहान । गाईगोठबाट सल्केको आगो फैलिएर सप्तरीको बोदे बर्साइन नगरपालिका–७ बगबिरा टोलमा गए राति आगलागीबाट ६ वटा घर जलेर नष्ठ भएको छ ।
स्थानीयवासी गेनी दासको गाईगोठमा लामखुट्टे धपाउन बालिएको घुपबाट राति १२ बजेतिर सल्किएको आगो तत्काल नियन्त्रणको उपाय हुन नसक्दा फैलिएर दुई घरका सहिद घुम्टी किराना पसल जलेर नष्ट भएको हो ।
आगो निभाउने क्रममा गेनी दासकी ४१ वर्षीया श्रीमति देवकुमारी दास घाइते भएको र उहाँको लहानस्थित सप्तऋषि नरसिंह होममा उपचार भइरहेको इलाका प्रहरी कार्यालय बोदेका प्रहरी नायब निरीक्षक प्रदीप सिंहले जानकारी दिनुभएको छ ।
गलागीमा परी गेनी दासको गाई, भैँसी, बाख्रासमेत आठ वटा पशुचौपाया जलेर मरेका छन् । घटनाको खबर पाएपछि पुगेको प्रहरी र स्थानीयवासीको मद्दतले एक घण्टाको प्रयासपछि आगो नियन्त्रणमा लिइएको थियो ।
