काठमाडौं । स्टार खेलाडी नेयमार र एन्जल डी मारियाले गोल गर्दा पेरिस सेन्ट जर्मेन (पीएसजी)ले लिग वानमा जित निकालेको छ ।
लिग च्याम्पियन पीएसजीले एङ्गर्सलाई २–१ गोल अन्तरले पराजित गरेको हो । पीएसजीको जितमा नेयमारले खेलको २० औँ मिनेटमा गोल गर्दै सुरुवाती अग्रता दिलाए । त्यस्तै खेलको ५८ औँ मिनेटमा एन्जल डी मारियाले गोल गर्दै टिमको अग्रता दोब्बर पारे ।
टिमका डिफेन्डर मार्किन्होसले ८५ औँ मिनेटमा रातो कार्ड खादै मैदान बाहिरिएपछि पीएसजी १० खेलाडीमा सीमित भएको थियो ।
खेलको ८३ औँ मिनेटमा फ्लेभियान टेइटले गोल गर्दै एङ्गर्सलाई खेलमा फर्काउने प्रयास गरेपनि सफल भने हुन सकेन । यो जितसँगै लिग विजेता पीएसजीको ३६ खेलबाट ८८ अंक छ । एङ्गर्स ४५ अंक सहित तालिकाको १२ औँ स्थानमा छ ।
