चलचित्र ‘छ माया छपक्कै’को छायांकन सुरु भएको जानकारी यसको निर्माणपक्षले दिएको छ ।करिब एक महिना अगाडि होटल सोल्टीमा औपचारिक घोषणा चलचित्रको छायांकन सुरु भएको जानकारी दिदै चलचित्रका निर्माता रोहित अधिकारीले राम्रो चलचित्र बनाउने प्रतिवद्धता व्यक्त गरेका छन् ।
आमा सरस्वती मुभिज, रोहित अधिकारी फिल्मस् र आइएमईको प्रस्तुतीमा निर्माण हुने फिल्ममा रोहित अधिकारीको एकल लगानी रहनेछ ।
दीपेन्द्र लामाको निर्देशन रहने फिल्म यसपटक नायिका प्रियंका कार्कीको ठाउँ केकी अधिकारीले ओगट्ने बताएका छन् । दीपकराज गिरीको जोडी रुपमा केकीलाई देख्न पाइनेछ भने केदार घिमिरे र जितु नेपाल पनि मुख्य भूमिका रहने कार्यक्रममा बताइएको छ ।
शहरमा हुर्किएकी एक युवती र सोझो केटाको कथा रहेको फिल्मको दीपाश्री निरौला निर्देशन सल्लाहकार रहेकी छन् ।
रोशन श्रेष्ठको द्वन्द्व, दीपक शर्माको संगीत, कविराज गहतराजको कोरियोग्राफी रहेको फिल्म जेठ पहिलो साताबाट छायांकन सुरु हुनेछ । फिल्मलाई हरि हुमागाइँले खिच्नेछन् ।
निर्देशक लामाको कथा रहेको फिल्मको पटकथा दीपकराज, संवादमा दीपक, केदार, जितु र अभिमन्यू निरबीको रहेको छ ।
