काठमाडौं । वेल्सका प्रभावशाली खेलाडी गारेथ बेल स्पेनिस क्लब रियल म्याड्रिडमै रहने भएका छन् । एक दिनअघिसम्म बेलले ३ वर्षका लागि चीनियाँ क्लबमा कीर्तिमानी रकममा अनुबन्ध हुन खोजेको समाचार बाहिरिएको थियो ।
स्पेनिस क्लब रियल म्याड्रिडले आइतबार बेललाई चीन पठाउने प्रक्रिया रद्द गरिदिएपछि बेल रियल म्याड्रिडमै बस्ने पक्का भएको हो ।
३० वर्षीय बेल रियलका प्रशिक्षक जिनेदिन जिदान उनीप्रति अनुदार देखिएका कारण रियल छाड्ने निर्णय नजिक पुगेका थिए । प्रशिक्षक जिदानले नयाँ सिजनमा गेराथ बेललाई टोलीमा राख्न चाहँदैनथे ।
बेल सन् २०१३ मा ९४.३ मिलियन युरोमा टोटनह्यामबाट मड्रिड आएका थिए । उनले मड्रिडको लागि ४ वटा च्याम्पियन्स लिग, एउटा ला लिगा टाइटल, एउटा कोपा डेल रे, ३ वटा यूईएफए सुुपरकप र ३ वटा क्लब वल्र्डकप जिताएका छन् ।
अन्तिम सिजनमा बेलले मड्रिडका लागि ४२ खेल खेल । गएको सिजन मड्रिडको लागि त्यति राम्रो भएन । १२ वटा खेलमा हार व्यहोरेको मड्रिडले ६८ अङ्क जोडेर तेस्रो स्थानमा आएको थियो ।
१६ वर्षको उमेरमा साउथह्याम्टनबाट डेब्यू गरेका बेल २००७ मा टोटनह्याम गए । उनले टोटनह्याममा रहेर ६ सिजन खेले । मड्रिडमा आउनुुभन्दा अगाडी बेल टोटेनहामबाट युुनाइटेड अनि बार्यन म्युुनिखमा जाने चर्चा चलेको थियो ।
