काठमाडौं । सार्वजनिक लेखा समितिले म्यादी प्रहरीको कपडा खरिदमा देखिएको विवाद अध्ययन गर्न राष्ट्रिय स्वतन्त्र पार्टी (रास्वपा) का सांसद मनिष झाको नेतृत्वमा ९ सदस्यीय अध्ययन समिति गठन गरेको छ।
समितिको शुक्रबार बसेको बैठकले झाको संयोजकत्वमा अध्ययन समिति गठन गर्दै दुई महिनाभित्र प्रतिवेदन बुझाउन निर्देशन दिएको हो।
अध्ययन समितिका सदस्यमा सांसद ऐन महर, योगेश गौचन थकाली, आर्यन राई, खगेन्द्र सुनार, खुश्बु ओली, रमेशकुमार मल्ल, गणेश धिमाल र महेन्द्रबहादुर शाही रहेका छन्।
म्यादी प्रहरीका लागि कपडा खरिदमा अनियमितता भएको आशङ्कासहित अध्ययन समिति गठन गर्ने विषयमा समितिका सदस्यहरूबीच छानबिन समिति बनाउने कि अध्ययन समिति गठन गर्ने भन्नेमा मतभेद देखिएको थियो। शुक्रबारको बैठकले भने अध्ययन समिति गठन गर्ने निर्णय गरेको हो।
