काठमाडौं । निरन्तरको वर्षा, हावाहुरी तथा देशका विभिन्न स्थानमा आएको बाढी र पहिरोका कारण कम्पनीका केही क्षेत्रमा दूरसञ्चार सेवा अवरुद्ध भएको छ ।
कम्पनीले आइतबार जारी गरेको सूचनाअनुसार असोज ८ गतेदेखि निरन्तर भइरहेको वर्षा तथा प्रतिकूल मौसमका कारण यात्रामा कठिनाइ, अप्टिकल फाइबरमा क्षति र विद्युत् आपूर्तिमा अवरोध हुँदा सेवा सञ्चालनमा समस्या देखिएको हो ।
त्यसैगरी हिमपात, वर्षात् तथा बादलका कारण सौर्य प्रणालीबाट सञ्चालित साइटको प्रभावकारिता घट्दा समेत सेवा निरन्तरतामा कठिनाइ उत्पन्न भएको कम्पनीले जनाएको छ ।
कम्पनीका अनुसार प्राविधिक रूपमा प्रणालीबाट गर्न सकिने मर्मतसम्भारका काम भइरहेका छन् भने सम्भव भएका स्थानमा सेवा पुनः सञ्चालनका लागि प्राविधिक टोली परिचालन गरिएको छ । मौसममा सुधार आएलगत्तै सम्बन्धित कार्यस्थलमा प्राविधिक टोली खटाउन तयारी अवस्थामा राखिएको कम्पनीले जनाएको छ ।
