काठमाडौं । गृहमन्त्री सुधन गुरुङ रसुवामा आएको बाढीबाट प्रभावित नागरिकको उद्धार तथा राहतका लागि आवश्यक तयारीलाई थप प्रभावकारी बनाउन त्रिभुवन अन्तर्राष्ट्रिय विमानस्थल पुग्नुभएको छ।
रसुवामा भोटेकोशी नदीमा आएको बाढीका कारण विभिन्न क्षेत्र प्रभावित भएपछि उद्धार तथा राहत कार्यलाई तीव्रता दिन सरकारले आवश्यक तयारी गरिरहेको छ। सोही क्रममा गृहमन्त्री गुरुङ विमानस्थल पुग्नुभएको हो।
प्रभावित क्षेत्रमा रहेका नागरिकलाई सुरक्षित स्थानमा ल्याउने, उद्धार कार्यलाई थप व्यवस्थित बनाउने तथा आवश्यक राहत सामग्री पुर्याउने तयारी भइरहेको जनाइएको छ।
सरकारले सुरक्षा निकाय तथा सम्बन्धित निकायलाई परिचालन गरी बाढी प्रभावित क्षेत्रमा खोज, उद्धार र राहत कार्यलाई प्राथमिकताका साथ अघि बढाइरहेको छ।
