काठमाडौं । स्पेनिस ला–लिगामा बार्सिलोना पराजित भएको छ। शनिबार राति भएको खेलमा ग्रानडासंग बार्सिलोना २–० गोल अन्तरले पराजित भएको हो। हारले बार्सिलोना २५ वर्ष यताकै खराब नतिजाबाट गुज्रिएको छ । ग्रानडाले दोस्रो मिनेटमै रोमन अजिजको हेड गोलबाट अग्रता लिएको थियो। दोस्रो गोल भने ६६ औ मिनेटमा अल्भारो भाडिलोले पेनाल्टीमार्फत गरेका थिए।
लियोनल मेसिका लागि यस सिजनको ला–लिगा पहिलो खेल हो । तर, हारबाट जोगाउन उनी पनि सफल रहे। प्रशिक्षक इर्नेस्टो भाल्भर्डेले लियोनल मेस्सी र अंशु फातीलाई दोस्रो पहिलो हाफ पछिमात्र मैदानमा उतारेका थिए।
बार्सिलोनालाई पराजित गरि ग्रानाडा यो जितसँगै अंकतालिकाको शीर्ष स्थानमा पुगेको छ। उसले पाँच खेलबाट १० जोडेको छ। यस्तै समान खेल खेलेको बार्सिलोना भने ७ अंक सहित सातौं स्थानमा छ । जस्ले गर्दा बार्सिलोनाका लागि पछिल्ला २५ बर्ष यता कै यो खराब नतिजा साबित भएको छ ।
