काठमाडौं । नेपाल भ्रमणमा रहेको मेरिलेबोन क्रिकेट क्लब (एमसीसी) विरुद्धको तीन दिवसीय (फस्ट क्लास) क्रिकेटमा नेपालले अहिले प्रतिस्पर्धा गरिरहेको छ । नेपालले टस जिते संगै कीर्तिपुरस्थित टियु क्रिकेट मैदानमा पहिले फिल्डिङ गर्ने निर्णय गरेको छ । एमसीसीविरुद्ध कप्तान ज्ञानेन्द्र मल्लसहित नेपालका ९ खेलाडीले फस्ट क्लास क्रिकेटमा डेब्यु गरेका छन् ।
सोमपाल कामी र शरद भेषवाकरले टिममा भएका मध्ये फस्ट क्लास क्रिकेट खेलिसकेका छन् ।नयाँ कप्तान ज्ञानेन्द्र मल्लले एमसीसीविरुद्व खेल्दै फस्ट क्लास क्रिकेटमा डेब्यु गर्दैछन् । टिममा रहेका सोमपाल कामी र शरद भेषवाकर बाहेक अन्य खेलाडीले फस्ट क्लास क्रिकेट खेलेका छैनन् । त्यसैले कम्तीमा ९ नेपाली खेलाडीले फस्ट क्लास क्रिकेटमा डेब्यु गर्नेछन् ।
नेपालले करिब १४ वर्षपछि घरेलु मैदानमा फस्ट क्लास क्रिकेट खेल्न लागेको हो । सन् २००५ मा नेपालले पछिल्लो पटक युएईविरुद्ध आईसीसीले मान्यता दिएको फस्ट क्लास क्रिकेट खेलेको थियो ।फस्ट क्लास क्रिकेटपछि नेपालले टी–ट्वान्टी क्रिकेट खेल्नेछ ।
नेपाल टिम:
ज्ञानेन्द्र मल्ल
आरिफ शेख
विनोद भण्डारी
दिपेन्द्र सिंह ऐरी
करण केसी
ललित राजवंशी
पवन सर्राफ
राजु रिजाल
सन्दीप लामिछाने
शरद भेषवाकर
सोमपाल कामी
