जर्मन बुन्डेस लिगा फुटबलमा साविक विजेता वायर्न म्युनिखले फराकिलो जित निकालेको छ । शनिबार राती भएको खेलमा बोरुसिया डर्टमण्डलाई ४–० गोलको फराकिलो अन्तरले वायर्नले पराजित गरेको हो । घरेलु मैदानमा भएको खेलमा १७ औं मिनेटमा रोबर्टो लेवान्डोस्कीको गोलले वायर्नलाई सुरुवाती अग्रता दिलाएकोथियो । सेर्गी गनाब्रेको ४७ औं मिनेटमा गरेको गोलबाट वायर्नले अग्रता दोब्बर बनायो ।
पहिलो हाफमा २–० को अग्रता बनाएको वायर्नले दोस्रो हाफमा थप दुई गोल गर्न सफल भयो । लेवान्डोस्कीले खेलको ७६ औं मिनेटमा दोस्रो गोल गर्दै वायर्नलाई ३–० को अग्रता दिलाएका थिए ।त्यसपछि खेलको ८० औं मिनेमा डर्टमण्डमा माट हुमेल्सले आत्मघाती गोल गर्दै वायर्न ४–० ले विजयी भयो ।
जितसँगै वायर्नले ११ खेलबाट २१ अंक जोडेको छ । र, वायर्न लिगको तेस्रो स्थानमा उक्लिएको छ । पाँचौं स्थानको डर्टमण्डको १९ अंक रहेको छ ।
