अन्तिम समयमा पाउलो ड्याबाला चम्किदाँ युभेन्ट्सले सिरि ‘ए’ फुटबलमा एसी मिलानलाई हराएको छ । आईतबार राति घरेलु मैदानमा भएको खेलमा एसी मिलानलाई युभेन्ट्सले १–० ले हराएको हो । युभेन्ट्सको जितमा ड्याबालाले ७७ औ मिनेटमा विजयी गोल गरेका हुन् ।
क्रिस्टियानो रोनाल्डोलाई स्थानान्तरण गर्दै ड्याबाला मैदानमा उत्रिएका थिए । खेलको ५५ औ मिनेटमा प्रशिक्षक माउरिजियो सर्रीले रोनाल्डोलाई परिवर्तन गरेका थिए । जितसंगै युभेन्ट्सले ईन्टर मिलानलाई पछाडी पादै लिग तालिकाको शीर्ष स्थानमा उक्लिएको छ ।
रोनाल्डो लगातार दुई खेलमा स्थानान्तरण भएका हुन् । उनी अघिल्लो खेलमा समेत पुरा समय मैदान खेल्न पाएका थिएनन् । युभेन्ट्स सिरि ‘ए’ फुटबलमा अपराजित छ । उसले दोस्रो स्थानको ईन्टरसंग एक अंकको अग्रता लिएको छ । मिलान क्लब १४ औ स्थानमा रहेको छ ।
