इन्डियन प्रिमियर लिग (आईपिएल) अन्तर्गत शनिबार साँझ भएको खेलमा प्रतिभावान युवा खेलाडी वैभव सूर्यवंशी फेरि अर्कोपटक फ्लप भएपछि राजस्थान रोयल्स पराजित भएको छ ।
जयपुरमा भएको यस खेलमा राजस्थान रोयल्स गुजरात टाइटन्ससँग ७७ रनको भारी रन अन्तरले पराजित भयो ।
गुजरात टाइटन्सले दिएको २३० रनको विशाल लक्ष्य पाएको राजस्थान रोयल्स १६.३ ओभरमा अलआउट हुँदै १५२ रनमै समेटिएको थियो । जसमा वैभवले ३६ रन बनाएका थिए ।
टस हारेर ब्याटिङको निम्तो पाएको गुजरातले निर्धारित २० ओभरमा ४ विकेट गुमाएर २२९ रन बनाएको थियो । गुजरातका लागि कप्तान शुभमन गिलले ८४, ओपनिङ ब्याटर शाई सुदर्शनले ५५ तथा वासिङटन सुन्दरले अविजित ३७ रन बनाए ।
राजस्थानका ब्याटरहरु नियमित अन्तरालमा आउट भएसँगै पूरै टिम १६.३ ओभरमा धराशायी बन्यो । गुजरातका बलरहरु रसिद खानले ४ र जेसन होल्डरले ३ विकेट लिएपछि राजस्थान हार व्यहोर्न बाध्य भयो ।
यो जितसँगै गुजरातले ११ खेलबाट १४ अंक सहित दोस्रो स्थानमा उक्लेको छ । राजस्थान भने १२ अंक सहित पाँचौं स्थानमा पुगेको छ ।
आज आइतबारका खेलहरु
१. चेन्नाई सुपर किंग्स vs लखनऊ जायन्ट्स (३.१५ बजे)
२. रोयल च्यालेन्ज बैंगलोर vs मुम्बई इन्डियन्स (७.४५ बजे)
