जनकपुर। प्रदेश नम्बर २ ले आज पनि नाम र स्थायी राजधानी पाउन सकेन । मंगलबार बसेको यस प्रदेशको ५७ औं प्रदेश सभा बैठकबाट नामकरण प्रक्रियालाई मतदानमार्फत टुंग्याउने सहमती खोजेको भए पनि कुनै पनि प्रस्तावले बहुमत हासिल गर्न सकेन ।
आज भएको मतदानमा मा नेपाली कांग्रेसले प्रस्ताव गरेको मिथिला भोजपुरा नाम अस्वीकृत भएको छ। त्यस्तै नेकपाको प्रस्ताव गरेको जानकी प्रदेश र राजपा र समाजवादीको मधेश प्रदेश पनि मतदानबाट अस्वीकृत भएको छ । यी कुनै पनि नाम बैठकबाट बहुमतले स्वीकृत हुन नसकेपछि आज यस प्रदेशले नाम पाउन नसकेको हो ।
यअसघि यस प्रदेशको स्थायी राजधानी जनकपुर राख्ने मौखिक सहमति सबै दलको सर्वदलीय निर्णयबाट भएको भए पनि अब त्यसलाई पनि राख्ने कि नराख्ने भन्ने बारेमा अन्योल खडा भएको छ । अब नाम र स्थायी राजधानीका लागि अर्काे बैठकबाट निर्णय गर्नुपर्ने हुन्छ ।
प्रदेश २ को नामाकरणका लागि प्रदेशसभामा दर्ता गराइएका चार प्रस्तावमध्ये नेकपाले गरेको पहिलो प्रस्तावमा जम्मा ३७ मत आएको थियो।
१०७ सांसद रहेको सो प्रदेश सभामा राजधानीको नाम स्वीकृत हुन दुई तिहाइ अर्थात् ७२ मत आवश्यक पर्छ।
