-शंकर अर्याल
कोरोना किन तँ आइस्
यो संसार उजाडन
भयङ्कर रुप लिएर
जन जनलाई सताउन
वुहानमा कसरी जन्मिस्
त्यहाँ कसरी हुर्किइस्
फेरि त्यहाँबाट उडी
इटाली कसरी पुगिस्
बाटामा पर्ने कोरिया र
सिंगापुरमा तँ तर्सिइस्
इटालीमा पुगेर तँ
फेरि कसरी फैलिइस्
अब तँ रोकिनुपर्छ
विनाशलीला धेर भो
यतिका रोग फैलाइ
आतङ्क धेर मच्चियो
अब मान्छे कस्सिएका छन्
घरै पस्न नदिनलाई
अब देश डटेका छन्
सीमा बाहिर भगाउनलाई
त्यसैले अब तँ छाड्दे
विद्रुप रुप देखाउन
अशान्ति मात्र फैलाई
मान्छेलाई रुवाउन ।।
