पश्तुन ताहाफुज मुभमेन्ट (पिटिएम) का नेता आरिफ वाजिरको हत्या भएको छ । उनलाई केही अज्ञात समूहले शुक्रबार दक्षिणी वाजिरिस्तानको वाना स्थित आफ्नै घरमा गोली हानेका थिए । घाईते नेता वाजिरलमई उपचारको निम्ती अस्पताल गगिएको थियो तर उनको उपचारको क्रममा निधन भएको वानाका स्टेशन हाउस अफिसर उस्मान खानले जानकारी दिए । उनलाई सुरुमा स्थानीय अस्पतालमा लगिएको र पछि इस्लामाबादस्थित नाम नखुलाइएको अस्पतालमा पुर्याइएको थियो ।
वजीर एक महिना अघि जमानतमा जेलबाट रिहा भएका थिए । वाजिर आफ्नो घरमा टहल्दै गर्दा उनीमाथि गुडिरहेको गाडीमा सवार केही व्यक्तिले गोली हानेका थिए । अधिकारीका अनुुसार उनलाई अत्यधिक चोट लागेको थियो ।
सन् २००५ मा वाजिरका बुवा र दाइलाई पनि अज्ञात समूहले गोली हानी हत्या गरेको थियो । त्यसपछि उनीहरुसँग अन्य सातजनाको गोली हानेर हत्या गरिएको थियो । उनका तीन छोरा, दुई छोरी र एक श्रीमती छिन् ।
