अमेरिकी राष्ट्रपति डोनल्ड ट्रम्पले कोरोना महामारीका लागि चीनको पुनः आलोचना गर्दै उससँगको सबै सम्बन्ध तोड्ने धम्की दिएका छन् । राष्ट्रपति ट्रम्पले फक्स बिजेनससँगको कुराकानीका क्रममा भनेका छन, ‘हामीले धेरै कुरा गर्न सक्छौं, हामी सबै सम्बन्ध तोड्न सक्छौं ।’
ट्रम्पले पुनः आफैंले सोधे, ‘यदि यस्तै भए के होला ? ’ र आफैले जवाफ दिए, ‘यदि सबै सम्बन्ध तोड्नुभयो भने तपाईंले आफ्नो ५ सय अर्ब डलर बचाउनुहुनेछ ।’ ट्रम्पको इशारा चीनसँगको द्वीपक्षीय व्यापारमा अमेरिकाको विशाल घाटातर्फ थियो । अमेरिका पछिल्लो केही समयदेखि चीनमाथि भाइरसका लागि क्षतीपूर्ती दिनका लागि दबाब बनाइरहेको छ । अमेरिकाले चीनमाथि महामारीको सुरुवाती जानकारी लुकाएको आरोप लगाउँदै आएको छ ।
तर चीनले भने लगातार अमेरिकाले लगाएको उक्त आरोप अस्विकार गर्दै आएको छ । बीबीसी
