काठमाडौं । सर्वोच्च अदालतले अर्थशास्त्री डा विश्व पौडेलविरुद्धको रिट दरपीठ आदेशलाई सदर गरेको छ ।
मंगलबार न्यायाधीश सपना प्रधान मल्लको एकल इजलासले उनीमाथिको रिट दरपिठ गर्ने सर्वोच्च प्रशासनको यसअघिको आदेश सदर गरेको हो । यससँगै पौडेललाई गभर्नर नियुक्तिको बाटो खुल्ला भएको छ ।
पौडेललाई गभर्नर बनाउन नमिल्ने भन्दै अधिवक्ता प्रतिभा उप्रेती र विशाल थापा रिट लिएर सर्वोच्च अदालत पुगेका थिए । तर उक्त रिट सर्वोच्च प्रशासनले दर्ता नगरी दरपीठ गरेको थियो ।
यद्यपी, उनी योग्य हुन् वा होइनन् भन्ने विषय भने उनको नियुक्ति भएको खण्डमा मात्र अदालत प्रवेश गर्नेछ ।
यसअघि प्रधानमन्त्री केपी ओली र कांग्रेस सभापति शेरबहादुर देउवाबिच पौडेललाई गभर्नर बनाउने सहमति भइसकेको छ ।
