काठमाडौँ । कृषि तथा पशुपंक्षी विकासमन्त्री रामनाथ अधिकारीले परम्परागत कृषि प्रणालीलाई आधुनिकीकरण गर्दै जैविक श्रोतको वैज्ञानिक प्रयोग र प्रवद्र्धन गर्नसके नेपालको कृषिमा आमुल परिवर्तन ल्याउन सकिने बताउनुभएको छ ।
मंगलवार काठमाडौंमा आयोजित एक कार्यक्रमलाई सम्बोधन गर्दै उहाँले यस्तो बताउनुभएको हो । उहाँले नेपाल प्राकृतिक श्रोत, साधनले भरिपूर्ण देश भएको तर चिन्न नसकेको बताउनु भयो । उहाँले नेपाल जस्तो जैविक विविधताले भरिपूर्ण देशमा औषधिय वनस्पति र अन्य जैविक श्रोतहरुको व्यवसायिक र वैज्ञानिक सदुपयोग गर्नसके कृषिको आधुनिकीकरणसँगै आर्थिक समृद्धिमा पनि ठूलो योगदान पु¥याउने बताउनु भयो । उहाँले नेपालमा पाइने विभिन्न वनस्पति, जडिबुटी, कृषिबाली तथा जैविक श्रोतहरुले हाम्रो कृषि प्रणाली, औषधि उत्पादन, पोषण सुरक्षामा महत्वपूर्ण योगदान पु¥याउने गरेको उल्लेख गर्नुभयो । उहाँले जैविक श्रोतहरुको संरक्षण, अनुसन्धान, उत्पादनमुखी व्यवस्थापन तथा व्यवसायिकरण अझै प्रभावकारी हुन नसकेको बताउनु भयो ।
उहाँले भन्नुभयो, ‘नेपाल प्राकृतिक श्रोत, साधनले भरिपूर्ण देश हो । हामीले चिन्न नसकेको आफ्नो ठाउँमा रहला । नेपाल जस्तो जैविक विविधताले भरिपूर्ण देशमा औषधिय वनस्पति र अन्य जैविक श्रोतहरुको व्यवसायिक र वैज्ञानिक सदुपयोग गर्नसके कृषिको आधुनिकीकरणसँगै आर्थिक समृद्धिमा पनि ठूलो योगदान पु¥याउन सकिन्छ । यहाँ पाइने विभिन्न वनस्पति, जडिबुटी, कृषिबाली तथा जैविक श्रोतहरुले हाम्रो कृषि प्रणाली, औषधि उत्पादन, पोषण सुरक्षामा महत्वपूर्ण योगदान पु¥याउने गरेको कुरा हामी सबैलाई थाहा छ । तर यि जैविक श्रोतहरुको संरक्षण, अनुसन्धान, उत्पादनमुखी व्यवस्थापन तथा व्यवसायिकरण अझै प्रभावकारी हुन सकेको छैन । राज्यले यसको व्यवस्थापन जुन ढंगबाट गर्नुपर्ने थियो, त्यसमा राम्रोसँग ध्यान नपुगेको मलाई लाग्दछ । परम्परागत कृषि प्रणालीलाई आधुनिकीकरण गर्दै जैविक श्रोतको वैज्ञानिक प्रयोग र प्रवद्र्धन गर्नसके हाम्रो कृषिमा आमुल परिवर्तन ल्याउन सकिन्छ ।’
मन्त्री अधिकारीले सरकार कृषि अनुसन्धान, जैविक विविधताको संरक्षण तथा जैविक श्रोतहरुको औद्योगिक एवं व्यवसायिक प्रयोगलाई प्रवद्र्धन गर्न प्रतिवद्ध रहेको बताउनु भयो ।
