काठमाडौँ । प्रधानमन्त्री केपी शर्मा ओलीले मन्त्रिपरिषद् बैठक बोलाउनु भएको छ । आइतबार अपरान्ह पाँच बजे बस्नेगरी प्रधानमन्त्रीले मन्त्रिपरिषद् बैठक बोलाउनुभएको उहाँको सचिवालयले जननाएको छ ।
मन्त्रिपरिषद् बैठक प्रधानमन्त्री तथा मन्त्रिपरिषद् कार्यालयमा बस्नेछ । प्रधानमन्त्री ओली भोलि (सोमबार) चीनको औपचारिक भ्रमणमा जाँदै हुनुहुन्छ । प्रधानमन्त्रीको भ्रमणअघि मन्त्रिपरिषद् बैठक बस्न लागेको हो ।
आजको बैठकले प्रधानमन्त्रीको भ्रमण स्वीकृत गर्नेछ । यसअघि प्रधानमन्त्री ओलीले हिजो (शनिबार) राष्ट्रपति रामचन्द्र पौडेललाई भ्रमणबारे जानकारी गराउनुभएको थियो ।
