एजेन्सी । त्यतिबेला वैभव सूर्यवंशी १० वर्षका थिए, बुबा सञ्जीवले जतिबेला छोरालाई क्रिकेटर बनाउने निर्णय गरे । यही सपना पूरा गर्न उनले आफ्नो जग्गा बेचे तर तीन वर्षभित्रै छोराले आफ्नो सपना पूरा गर्नेछ भन्ने उनलाई लागेको थिएन ।
आईपीएलको अक्सनमा १३ वर्षीय वैभवलाई राजस्थान रोयल्सले १ करोड १० लाखमा अनुबन्ध गरेको छ । वैभव आईपीएलको इतिहासमा कुनै पनि टोलीमा सामेल हुने सबैभन्दा कान्छो क्रिकेटर बनेका छन् । तर, यी युवा क्रिकेटर करोडपति बनेसँगै विवाद सुरु भयो ।
उनको उमेरलाई लिएर प्रश्न उठिरहेको छ । यद्यपी वैभवका बुवाले आलोचकहरुलाई उचित जवाफ दिदै आफू कसैसँग नडराउने र जे सुचना दिइएको छ त्यो सहि रहेको बताएका छन् ।
समस्तीपुरबाट १५ किलोमिटर टाढा मोतीपुर गाउँमा खेतीयोग्य जग्गा बेच्ने सञ्जीवको छोरा राजस्थानले लगेपछि बोल्ने शब्द छैन । वैभव अब आफ्नो छोरा नभई सिंगो बिहारको छोरा भएको उनको भनाइ छ ।
सञ्जीवका अनुसार छोराले आठ वर्षको उमेरमा कडा परिश्रम गरेर जिल्लाको अन्डर–१६ ट्रायलमा सफलता हासिल गरेको हो । छोरालाई कोचिङका लागि समस्तीपुर लगेर फर्किनु पर्यो । यसपछि उनले आफ्नो जग्गा बेचे ।
आईपीएलको लिलामीमा उनको आधार मूल्य ३० लाख रुपैयाँ थियो र उनी आफ्नो आधार मूल्यभन्दा झण्डै चार गुणा बढीमा बिक्री भए । उनी आईपीएलको लिलामी इतिहासमा बेचिने सबैभन्दा कान्छो खेलाडी बनेका छन् ।
बिहारका वैभवले १३ वर्ष २४२ दिनको उमेरमा आईपीएलको लिलामीमा छनोट हुने सबैभन्दा कान्छो खेलाडीको रूपमा इतिहास रचे । वैभवले घरेलु क्रिकेटमा निकै हलचल मच्चाएका छन् । यी बायाँ हाते ब्याट्सम्यानले सानै उमेरमा आफ्नो ब्याटले उत्कृष्ट प्रदर्शन गरेका छन् ।
जनवरी २०२४ मा बिहारको लागि आफ्नो प्रथम श्रेणी डेब्यू गरेपछि, सेप्टेम्बरमा भारत यू–१९ बाट अष्ट्रेलिया यू–१९ युवा टेस्ट शृंखलामा सूर्यवंशीले उत्कृष्ट शतक बनाएर सबैको ध्यान खिचे । सूर्यवंशी आगामी अन्डर–१९ एसिया कपमा भारतको प्रतिनिधित्व गर्ने तयारीमा छन् ।
