काठमाडौँ । प्रहरीले अमेरिकन डलर साट्ने बहाना बनाई ठगी गर्ने व्यक्तिहरुलाई पक्राउ गरेको छ ।
भक्तपुर चाँगुनारायण–३ मा बोलाई नौ लाख ठगी गरी फरार भएको घटनामा संलग्न रहेका दुई जना पक्राउ परेका हुन् ।
पक्राउ पर्नेमा सिन्धुपाल्चोक बाह्रबिसे–३ धार्पाका २६ वर्षीय ललित बहादुर पाईन र सोही स्थानका २४ वर्षीय कृष्ण लाल पाईन रहेका छन् ।
उनीहरुलाई काठमाडौँ उपत्यका अपराध अनुसन्धान कार्यालय भक्तपुरबाट खटिएको प्रहरी टोलीले मंगलबार गोकर्णेश्वर–४ बाट पक्राउ गरेको हो ।
उनीहरुलाई आवश्यक कारबाहीका लागि जिल्ला प्रहरी परिसर भक्तपुरमा पठाइएको प्रहरीले जनाएको छ ।
