काठमाडौँ । गठबन्धन सरकारले स्थानीय निकायको निर्वाचन घोषणा गर्ने तयारी गरिरहेका बेला नेकपा एमालेका नेता एवं पूर्व सञ्चार तथा सूचना प्रविधिमन्त्री गोकुल बाँस्कोटाले आम निर्वाचनका लागि आफूहरु तीव्र प्रतीक्षामा रहेको बताएका छन् ।
उनले पाँच दलीय गठबन्धनको सरकारलाई पाँच उपियाँको गठबन्धनको सङ्ज्ञा दिँदै तोला न छटाकको उपियाँको गठनबन्धनसँग एक्लै प्रतिस्पर्धा गर्न तम्तयार रहेको बताएका छन् ।
आफ्नो फेसबुक पेजमा अहिलेको गठबन्धन सरकारलाई पूर्व देखाएर पश्चिम हान्ने र चिल आयो भनेर कुखुरा तान्ने कम्फरटेबल पार्टनरवाला सरकारले आम चुनाव घोषणा गरे एमालेले तीव्र प्रतीक्षासहित स्वागत गर्ने बताएका छन् ।
उनले भनेका छन्, “फेरि भन्छु– पूर्व देखाएर पश्चिम हान्ने र चील आयो भनेर कुखुरा तान्ने कम्फरटेवल पार्टनरवाला सरकारले आम चुनाब घोषणा गरोस।हामी तीब्र प्रतीक्षा,स्वागत र पांच उपिंयाको गठबन्धन तोला न छटाकसंग एक्लै प्रतिष्पर्धा गर्न तम्तयार छौँ।”
