काठमाडौँ । थाइल्याण्डको फेउ थाई नेतृत्वको गठबन्धनले समर्थन गरेको उम्मेदवार प्यातोङटार्न सिनावात्रा संसदीय मतदानमा साधारण बहुमत हासिल गरेर देशको नयाँ प्रधानमन्त्रीका रूपमा निर्वाचित हुनुभएको छ ।
संसदीय मतदानमा नयाँ प्रधानमन्त्री हुनका लागि मनोनित पेतोङटार्न एकमात्र उम्मेदवार हुनुहुन्थ्यो । जुन यस हप्ताको शुरुमा तत्कालीन प्रधानमन्त्री श्रेथा थाभिसिनलाई नैतिकता उल्लङ्घनको मुद्दामा अदालतले बर्खास्त गरेपछि आएको थियो ।
करिव दुई घण्टासम्म चलेको रोल कल भोटपछि राष्ट्रिय सभाका अध्यक्ष वान मुहम्मद नूर माथाले पातोङटार्नले वर्तमान ४९३ विधायकमध्ये ३१९ मत प्राप्त गरेको घोषणा गर्नुभयो ।
जुन अनुमोदनका लागि आवश्यक साधारण बहुमतभन्दा बढी हो । ३७ वर्षीया फेउ थाई पार्टीका नेता, पूर्वप्रधानमन्त्री थाक्सिन सिनावात्राकी कान्छी छोरी हुनुहुन्छ । थाई राजा महा वजिरालोङकोर्नले दोस्रो महिला प्रधानमन्त्री र दक्षिणपूर्वी एशियाली देशमा सबैभन्दा कनिष्ठ प्रधानमन्त्री बन्न औपचारिक नियुक्तिको पर्खाइमा रहनुभएको छ ।
आफ्नो भोट पछिको भाषणमा पातोङटार्नले आफ्नो पूर्ववर्ती, श्रेथा, प्रधानमन्त्रीको रूपमा आफ्नो लगभग एक वर्षको कार्यकालमा समर्पणको लागि कृतज्ञता व्यक्त गर्नुभयो । जनताको लागि लगनशील प्रयास जारी राख्ने प्रतिवद्धता व्यक्त गर्नुभयो ।
