काठमाडौँ । नेकपा (माओवादी केन्द्र )को स्थायी कमिटी बैठक सुरु भएको छ । केन्द्रीय कार्यालय पेरिस डाँडामा बैठक सुरु भएको हो ।
बैठकमा पछिल्ला राजनीतिक समसामयिक घटनाक्रम, पार्टीको भुमिका, प्रतिपक्षको भुमिका, जनदबाबका कार्यक्रम, जनसंगठन बिस्तार एवं सुदृढिकरण र जनतामा जाने विशेष कार्यक्रमहरुका बारेमा छलफल हुनेछ ।
यसअघि शनिबार बसेको बैठकमा अध्यक्ष पुष्पकमल दाहाल प्रचण्डले वर्तमान परिस्थितिमा पार्टी निर्माण र भावी रणनीतिबारे मौखिक प्रस्ताव राखेका थिए ।
यस्तै, वरिष्ठ उपाध्यक्ष नारायणकाजी श्रेष्ठ, उपाध्यक्ष अग्निप्रसाद सापकोटा, उपमहासचिवद्वय जनार्दन शर्मा, वर्षमान पुनले धारणा राखेका थिए । त्यस्तै सचिवहरू र स्थायी समिति सदस्यहरूले पनि पार्टीको कार्यदिशा र रणनीतिबारे धारणा राखेका थिए ।
