काठमाडौं । सत्तारुढ नेपाल कम्युनिस्ट पार्टी (नेकपा)का प्रवक्ता नारायणकाजी श्रेष्ठ प्रकाशले प्रम ओलीले राख्नुभएको संसद विघटनको सिफारिस असंवैधानिक भएको बताउनुभएको छ । प्रवक्ता श्रेष्ठले भन्नुभयो, ‘मैले भर्खरै सुने कि मन्त्रिपरिषद्को बैठकमा सबै मन्त्रीहरु पनि उपस्थित नहुँदै प्रधानमन्त्रीले संसद विघटन गरेर ताजा जनादेशमा जाने भनेर घोषणा गर्नुभयो रे । यो गैर अलोतान्त्रिक र नेपालको राजनीतिक परिर्वतनलाई पछाडि धकेल्ने अविवेकी निर्णय हो, यो लागू हुन सक्दैन ।’
त्यस्तै काँग्रेसका अर्का नेता मिनेन्द्र रिजालले संसद विघटनको सिफारिस संविधान विपरित कदम रहेको बताउनुभएको छ । उहाँले भन्नुभयो, ‘यो संविधान विपरित कदम हो । प्रधानमन्त्रीले बहुमत गुमाएपछि सत्तावादी राजनीतिका लगि संविधान मिच्न थाल्नु भएको छ ।’
प्रधानमन्त्री केपी शर्मा ओलीले आइतबार मन्त्रिपरिषद्को आकस्मिक बैठक राखेर संसद विघटनको सिफारिस गर्ने निर्णय सुनाउनुभएको हो । बिहान नौ बजे मन्त्रीहरुलाई खबर गर्दै ९ः४५ मा बैठकमा उपस्थित हुन आग्रह गर्नुभएको थियो । नियमित बैठक सोमबार र बिहीबार बस्ने गरिएको भएपनि प्रधानमन्त्री ओलीले आजको बैठक आकस्मिक रुपमा बोलाउनुभएको हो ।
