काठमाडौं । नेपाल क्रिकेट संघले उपाध्यक्ष रोशनकुमार सिंहसहित चारजनालाई स्पष्टीकरण सोध्ने निर्णय गरेको छ ।
बिहीबार बसेको क्यानको केन्द्रिय कार्य समिति बैठकले उपाध्यक्ष सिंहसहित केन्द्रीय सदस्य माधवकुमार कर्माचार्य, दुर्गाराज पाठक र सुनसरी जिल्ला क्रिकेट संघका अध्यक्ष चेतनाथ पौडेललाई स्पष्टीकरण सोध्ने निर्णय गरेको हो ।
विश्वकप क्रिकेटमा सहभागिताका दौरान नेपाल क्रिकेट संघ र संघका पदाधिकारीहरूलाई लक्षित गरेर विभिन्न मिडिया तथा सामाजिक सञ्जालहरूमा संघको निर्णय विपरीत भ्रामक प्रचार गरि सामाजिक सञ्जालमा समेत सेयर गरेको भन्दै क्यानले उनीहरूलाई कारबाही गर्ने निर्णय गरेको हो ।
यस्तै, बैठकले आगामी नोभेक्बर डिसेम्बरमा नेपाल प्रिमियर लिग (एनपिएल) आयोजना गर्ने निर्णय गरेको छ ।
