काठमाडौँ । संसद भवनमा प्रमुख प्रतिपक्षी दल नेपाली कांग्रेसको संसदीय दलको बैठक बसिरहेको छ ।
सहकारी प्रकरणका विषयमा संसदीय छानबिन समिति बनाउने विषयमा गठित कार्यदलमा सहमति नभएपछि कांग्रेसले आजको सदनमा गर्ने कार्यबारे छलफल गर्न बैठक बोलाएको हो ।
कांग्रेस संसदीय दलको बैठक चलिरहदा बिहान १० बजे बोलाइएको कार्यव्यवस्था परामर्श समितिको बैठक भने प्रभावित भएको छ ।
कार्यव्यवस्था बैठकको सूचना आइतबार नै दिइएको थियो । तर कांग्रेसबाट प्रतिनिधित्व गर्ने सांसदहरु बैठकमा नआएपछि कार्यव्यवस्थाको बैठक बस्न नसकेको हो ।
प्रतिनिधि सभाको बैठक बिहान ११ बजे बस्ने गरि बोलाईएको छ ।
