काठमाडौं । प्रधानमन्त्री पुष्पकमल दाहालले संसद्को गतिरोध अन्त्य गर्ने विषयमा छलफल गर्न नेपाली कांग्रेसलाई बोलाउनुभएको छ ।
प्रधानमन्त्री दाहालले ९ बजे छलफल गर्न कांग्रेसलाई बोलाउनुभएको हो । सरकारले आगामी आर्थिक वर्षको नीति तथा कार्यक्रम जेठ १ गते ल्याउने तयारी गरेको छ । बजेट भने जेठ १५ गते ल्याउनुपर्ने संवैधानिक बाध्यता छ ।
सहकारी ठगी प्रकरणमा गृहमन्त्रीमाथि छानबिन गर्न संसदीय समिति गठनको माग गर्दै कांग्रेसले संसद् अबरुद्ध गरेपछि सरकारमाथि दबाब परेको हो । संसद्को अवरोध नहटाइ नीति तथा कार्यक्रम र बजेट ल्याउन सक्ने अवस्था छैन । त्यही कारण सहमति जुटाउन पनि प्रधानमन्त्रीले कांग्रेसका नेताहरुलाई छलफल गर्न बोलाउनुभएको हो ।
नेपाली कांग्रेसले सहकारी ठगी प्रकरणमा संसदीय छानबिन समिति बनाउनुपर्ने माग राख्दै संसद अवरुद्ध गर्दै आएको छ भने सत्तारुढ दल त्यसमा सकारात्मक छैनन् ।
