एजेन्सी । सनराइजर्स हैदरावादले आईपीएल २०२४ मा रेकर्ड बुकलाई पूर्णरुपमा परिवर्तन गरेको छ । सनराइजर्सले आईपीएलको इतिहासमा सर्वाधिक रन बनाएको अवस्थामा दिल्ली क्यापिटल्सविरुद्ध अर्को ठूलो कीर्तिमान बनाएको छ ।
उसले आईपीएलको ३५ औं खेलमा टी–२० क्रिकेट इतिहासमै उच्चतम पावरप्ले स्कोर बनायो ।
कीर्तिमानी प्रदर्शन गर्दै एसआरएचले पहिलो ६ ओभरमा बिना विकेट गुमाएर १२५ रन बनाएको थियो । ट्राभिस हेडले १६ बलमा आइपिएल २०२४ को सबैभन्दा छिटो अर्धशतक बनाए भने अभिषेक शर्माले १० बलमा ४० रन बनाए । एसआरएचले २०१७ मा डरहमविरुद्ध नटिङ्घमशायरको १०६र० को पुरानो रेकर्ड तोड्यो ।
यो सूचीमा सनराइजर्स हैदरावाद पहिलो स्थानमा पुगेको छ । साथै, उुले आईपीएल इतिहासको पहिलो पावरप्लेमा सबैभन्दा ठूलो स्कोर समेत बनायो । हैदरावादले केकेआरले २०१७ मा बनाएको १०५ रनको कीर्तिमान तोड्यो । सनराइजर्स हैदरावादले ५ ओभरमा १०० रनको अंक पार गरेको थियो ।
