एजेन्सी । इन्डियन प्रिमियर लिग–२०२४ अघि कोलकाता नाइट राइडर्स (केकेआर)लाई ठूलो झट्का लागेको छ । टिमका फास्ट बलर गुस एट्किन्सनले व्यस्तताका कारण इन्डियन लिगबाट आफ्नो नाम फिर्ता लिएका छन् । उनलाई फ्रेन्चाइजीले १ करोडमा किनेको थियो ।
आईपीएल समितिले सोमबार भने कि केकेआरले एट्किन्सनको स्थानमा श्रीलंकाका फास्ट बलर दुष्मन्थ चमेरालाई टोलीमा समावेश गरेको छ । लिलामीमा बिक्रि नभएका उनलाई अहिले फ्रेन्चाइजीले ५० लाखमा अनुबन्ध गरेको छ ।
उनी १४० किलोमिटर प्रतिघण्टाको गतिमा बलिङ गर्न सक्छन् र आफ्नो स्विङ र सीमले ब्याट्सम्यानलाई समस्यामा पार्न सक्छन् । आईपीएलको हालको सिजन मार्चको अन्तिम साताबाट सुरु भएर मेको अन्त्यसम्म चल्न सक्छ ।
