काठमाडौँ । राष्ट्रियसभा निर्वाचन सम्पन्न भएसँगै लुम्बिनी र कोशी प्रदेशमा मत गणना जारी छ । ३ बजे मतदान सकिएपछि सर्वदलीय बैठक बसेर मतगणना सुरु भएको हो ।
बागमती, गण्डकी लगायतका प्रदेशमा सर्वदलीय बैठक जारी छ ।
लुम्बिनीमा मतगणनाको प्रारम्भिक नतिजा सार्वजनिक भइसकेको छ । पछिल्लो मतपरिणामअनुसार महिला कोटामा बिष्णुकुमारी सापकोटाले २,७५६ मत पाएकी छन् भने तुलसाकुमारी केसीले १,५३७ मत पाएकी छन् । विजयालक्ष्मी सिह २१२ मत पाउदा १०६ मतभार बदर भएको छ ।
त्यस्तै, अन्य कोटामा झक्कु सुवेदी २७५६, झपेन्द्रबहादुर घर्ती क्षेत्री १६४३, र बाल गोविन्द चौधरीले २१२ मत पाएका छन् ।
