जनकपुर । राष्ट्रियसभा सदस्य निर्वाचनको लागि मधेस प्रदेशमा मतदान सम्पन्न भएको छ ।
१०७ प्रदेश सांसद र २६७ पालिका प्रमुख उपप्रमुख मतदाता रहेको मधेस प्रदेशमा ३७३ मतदाताले मतदान गरिसकेको निर्वाचन अधिकृतको कार्यालयले जनाएको छ ।
मधेशमा प्रदेश सांसद अभिराम शर्मा भने मतदानमा सहभागी छैनन् । अभिरामलाई थमन विक हत्या प्रकरणमा अदालतले जन्मकैदको फैसला गरेको थियो ।
यस्तै, सवा तीन बजेदेखि मतगणना सुरु गर्नेगरी छलफल भइरहेको जसपाका प्रदेश सांसद राम सहाय यादवले जानकारी दिए ।
मधेस प्रदेशमा अन्य र महिला समूहतर्फ दुई राष्ट्रियसभा सदस्यका लागि पाँच जनाको उम्मेदवारी परेको छ ।
