एजेन्सी । उत्तर कोरियाली नेता किम जोङ उनले सोमबार दक्षिण कोरियालाई ‘प्राथमिक शत्रु’को रूपमा हेरिएको सुनिश्चित गर्न संविधान परिवर्तन गर्न आह्वान गर्दै चेतावनी दिए कि उनको देश युद्धबाट बच्न चाहँदैन । सरकारी सञ्चार माध्यम केसीएनएले मंगलबार सो जानकारी दिएको हो ।
उत्तर कोरियाको रबर स्ट्याम्प संसदको सर्वोच्च जनसभामा सम्बोधन गर्ने क्रममा किमले दक्षिणसँगको एकीकरण अब सम्भव नभएको निष्कर्षमा पुगेको र सियोललाई शासन पतन र अवशोषणद्वारा एकीकरण खोजेको आरोप लगाए ।
किमले उत्तर कोरियालीहरूलाई दक्षिण कोरिया एक ूप्राथमिक शत्रु र अपरिवर्तनीय प्रमुख शत्रुू हो भनेर शिक्षित गर्न संविधान संशोधन गर्नुपर्ने र उत्तर कोरियाको क्षेत्रलाई दक्षिणबाट छुट्टै परिभाषित गरिनुपर्ने बताए । ‘हामी युद्ध चाहँदैनौं तर यसलाई टार्न हाम्रो कुनै मनसाय छैन’ केसीएनएले किमलाई उद्धृत गरेको छ ।
राज्य मिडियाले एकीकरण र अन्तर-कोरियाली पर्यटनमा संलग्न तीन संस्थाहरू पनि बन्द गरिने बताए । दक्षिण कोरियाका राष्ट्रपति युन सुक येओलले मन्त्रिपरिषद्को बैठकमा दक्षिण कोरियालाई शत्रु देश भन्ने प्योङयाङलाई ‘राष्ट्रविरोधी’ भएको बताए ।
