एजेन्सी । इंग्ल्याण्ड फिफा महिला विश्वकप २०२३ को फाइनलमा प्रवेश गरेको छ । बुधबार भएको सेमिफाइनल खेलमा आयोजक अष्ट्रेलियालाई स्तब्ध पार्दै इंग्ल्याण्डले फाइनलमा स्थान बनाएको हो ।
सिड्नी ओलम्पिक स्टेडियममा भएको खेलमा इंग्ल्याण्ड ३–१ गोलले विजयी बन्यो । इंग्ल्याण्डलाई जित दिलाउन खेलको ३६ औं मिनेटमा एला टुन, लरेन हेम्प र ८६ औं मिनेटमा एलेसिया रुसोले गोल गरिन् ।
यता, ६३ औं मिनेटमा साम केरले गरेको गोल अष्ट्रेलियाका लागि सान्त्वना गोल बन्न पुग्यो ।
इंग्ल्याण्डले अब उपाधिका लागि स्पेनसँग प्रतिस्पर्धा गर्नेछ । फाइनल खेल आइतबार हुनेछ ।
