एजेन्सी । फिफा महिला विश्वकप अन्तर्गत स्पेनले लगातार दोस्रो जित निकालेको छ । बुधबार न्यूजिल्याण्डको इडेन पार्कमा सम्पन्न खेलमा स्पेनले जाम्बियालाई ५–० गोलले पराजित गरेको हो ।
स्पेनलाई फराकिलो जित दिलाउन जेनिफर हर्मोसो र अल्बा रेडोन्डोले दुई–दुई गोल गरे भने टेरेसा अबेलिरियाले एक गोल गरिन् ।
टेरेसाले ९ औं मिनेटमा गोल गर्दै स्पेनलाई सुरुवाती अग्रता दिलाएकी थिइन् । जेनिफरले १३ तथा ७० औं मिनेटमा गोल गरिन् भने अल्बाले ६९ औं र ८५ औ मिनेटमा गोल गरिन् ।
जितसँगै स्पेनले प्रि–क्वाटरफाइनलमा स्थान बनाएको छ । समूह सी मा रहेको स्पेन २ खेलबाट ६ अंक जोड्दै तालिकाको शीर्षस्थानमा रहेको छ । लगातार दुई खेल हारेको जाम्बिया अंकविहिन रहँदै पुछारमा छ ।
