एजेन्सी । फिफा महिला विश्वकप अन्तर्गत स्पेनले विजयी सुरुवात गरेको छ ।
न्यूजिल्याण्डस्थित वेलिङ्टन रिजनल स्टेडियममा भर्खरै सम्पन्न खेलमा समूह चरण अन्तर्गत स्पेनले कोस्टारिकालाई ३–० गोलले पराजित गरेको हो ।
स्पेनलाई जित दिलाउन खेलको २३ औं मिनेटमा एइटाना वोनमाटीले तथा २७ औं मिनेटमा इस्थर गोन्जालेजले गोल गरे । एक गोल भने स्पेनले उपहारस्वरुप पाएको थियो । २१ औं मिनेटमा कोस्टारिकाकी भलेना काम्पोले आत्मघाती गोल गरेकी हुन् ।
जितसँगै समूह ‘सी’ मा रहेको स्पेनले तीन अंक जोडेको छ ।
