टेगुसिगाल्पा । होन्डुरसको एक महिला कारागारमा मंगलबार भएको दंगामा कम्तीमा ४१ महिलाको मृत्यु भएको अधिकारीहरुले बताएका छन् ।
होन्डुरसको राष्ट्रिय प्रहरी अनुसन्धान एजेन्सीका प्रवक्ता युरी मोराले टेगुसिगाल्पाबाट करिब ५० किलोमिटर उत्तरपश्चिममा रहेको तामारामा रहेको महिला कारागारमा दंगा र हिंसा सुरु भएको बताए।
अधिकांश महिलाको जलेर मृत्यु भएको छ । तर, केहीलाई गोली लागेको पनि समाचार छ । कम्तीमा सात महिला कैदीलाई टेगुसिगाल्पा अस्पतालमा भर्ना गरिएको उनले बताए।
यीमध्ये केही महिलालाई गोली लागेको छ भने केहीलाई चक्कु प्रहार गरिएको छ । देशको कारागार प्रणालीका प्रमुख जुलिसा विलानुएभाले कारागारभित्रका गैरकानूनी गतिविधिमाथि कारबाही गर्न अधिकारीहरूले हालै गरेको कदमबाट दंगा सुरु भएको देखिन्छ।
उनले मंगलबारको हिंसालाई ‘संगठित अपराध विरुद्ध हामीले चालेका कदमहरूको प्रतिक्रिया’ को रूपमा हेरिएको बताए। “हामी कार्य जारी राख्नेछौं”, विलानुएभाले भने।युरी मोराले २६ जनालाई जलाएर मारिएको र बाँकीलाई गोली लागेको बताए ।
होन्डुरस देश मध्य अमेरिकामा स्थित छ। यहाँका जेलमा नरकको अवस्था छ । एक त अतिरिक्त कैदीको भीड र सबैभन्दा ठूलो सरसफाइको अभाव।होन्डुरसका जेलहरूमा अक्सर मारपिट र दंगा भइरहन्छन्, जसमा ठूलो संख्यामा मानिसहरूले ज्यान गुमाउँछन्।
सन् २०१९ मा यस्तै हिंसामा ३७ कैदीको मृत्यु भएको थियो । राष्ट्रपति हर्नान्डेजले हिंसात्मक घटनाहरू रोक्न जेलहरूलाई सेनाको नियन्त्रणमा राखेका थिए, तर यसले कुनै प्रभाव पारेको देखिएन।
