काठमाडौँ । चिनियाँ सहयोगमा पाकिस्तान मुलुकभित्र कोरोना भाइरसविरुद्धको खोप ‘पाकभ्याक’ उत्पादन गरेको छ । पाकिस्तानले चिनियाँ औषधि निर्माता कम्पनी क्यान्सिनोको सहयोगमा उक्त खोप उत्पादन गरेको हो । 

मंगलबार विकास तथा विशेष पहलसम्बन्धी केन्द्रीय मन्त्री असद उमरले इस्लामाबादमा आयोजित एक समारोहमा योजना सार्वजनिक गरेका हुन् । उहाँले पाकिस्तानमा कोरोना खोप लगाउनेहरुको पहिलो रोजाइ चीनमा बनेको सिनोफार्म भएको जानकरी दिनुभयो।

The launch ceremony of PakVac Covid-19 vaccine held at NIH. Federal Minister for Planning, Development, and Special Initiatives Asad Umar, congratulated and appreciated the NIH team for doing a tremendous job. pic.twitter.com/aXpb7YUUPX

— NIH Pakistan (@NIH_Pakistan) June 1, 2021

साथै पाकिस्तानी स्वास्थ्य टिम र चीनलाई धन्यवाद दिँदै पाकिस्तानका लागि यो कुनै क्रान्तिभन्दा कम नभएको पनि बताउनुभयो । त्यस्तै प्रधानमन्त्री इमरान खानका स्वास्थ्य सल्लाहकार डाक्टर फैसल सुल्तानले पनि कठिन चुनौतीलाई अवसरमा रुपान्तरण गर्न आफूहरुले सफल भएको बताउनुभयो । 

कोरोना महामारी रोकथाम र नियन्त्रणमा चीनले धेरै सहयोग गरेको उहाँको भनाइ थियो । उहाँले भन्नुभयो, ‘चीनले कच्चा पदार्थ दिएको हो तर त्यसका बाबजुद पनि यसको विकास गर्न सहज भने थिएन’ । केही दिनमै पाकिस्तानमा ठूलो परिमाणमा कोरोना खोप उत्पादन सुरु हुने पनि उहाँले जानकारी दिनुभयो ।

पाकिस्तानमा केही दिनयता संक्रमण पनि घटिरहेको छ । पछिल्ला दुई दिनमा पाकिस्तानमा २ हजारभन्दा कममा संक्रमण पुष्टि भएको छ ।