काठमाडौं । आइसीसी एकदिवसीय विश्वकप छनोटको वार्मअप खेलमा नेपालले युएईलाई २ सय ७७ रनको लक्ष्य दिएको छ ।
जिम्बावेको हरारेमा जारी खेलमा टस जितेर पहिले ब्याटिङ गरेको नेपालले ४९ दशमलब ५ ओभरमा अलआउट हुदै २ सय ७६ रन बनायो ।
जिम्बावे पुग्नु अघि नेपालले दक्षिण अफ्रिकामा अन्तिम तयारी गरेको थियो । तयारीका क्रममा नेपालले स्कटल्यान्ड र नेदरल्यान्ड्ससँग भएको दुबै अभ्यास खेलमा हार बेहोरेको थियो ।
नेपाल र युएईबीचको पछिल्लो पाँच खेलमा चार खेलमा नेपाल विजयी हुँदा एक खेल युएईले जितेको छ ।
